தமிழ்நாடு காவல்துறை தேசிய அளவில் 5வது இடத்தில் மிகச் சிறந்த காவல்துறையாக செயல்பட்டு வருகிறது. வாரத்தில் 7 நாட்களும் விடுமுறை இன்றி மக்களுக்காக சிறப்பாக பணியாற்றி வருகிறது. பொதுக்கூட்டம், மாநாடு என இதுபோன்ற எந்தவிதமான விழாக்களாக இருந்தாலும், அவற்றை எவ்வித இடையூறுமின்றி செம்மையாக கண்காணித்து வருகிறது. மக்களின் நலன் ஒன்றையே கருத்தில் கொண்டு செயல்பட்டு வருவது காவல்துறை.

உயிரை பணயம் வைத்து சரியான உணவு, உறக்கம் இல்லாமல் பணி ஆற்றும் துறை காவல்துறை. நமது காவலர்கள் பொதுமக்களுக்காகவும், நாட்டிற்காகவும் நேரம் காலம் பார்க்காமல் பண்டிகை தினங்கள், விடுமுறை நாட்கள் இப்படி எந்த ஒரு நாட்களையும் இவர்களுக்காக எடுத்துக் கொள்ளாமல் நாம் (பொதுமக்கள்) குடும்பத்துடன் இரவு நேரத்தில் தூங்கிக் கொண்டு இருக்கும் நேரம் நம் பாதுகாப்பு கருதி காவலர்கள் அவர்களின் குடும்பத்தை விட்டு எங்காவது ஒரு பகுதியில் ரோந்து பணியில் இருப்பார்கள். இப்படிப்படட தமிழக காவல்துறையின் பணிகள் எண்ணற்றவை.